ពាក្យចាស់ពោលថា ត្រីងាតឈ្លាតពង ត្រីក្នុងស៊ងឈ្លាតបណ្តើរកូន ឬស្សីក្នុងក្បូនឈ្លាតបណ្តើរទំពាំង រីឯស្ត្រីម្នាក់កំពុងសំរាលកូនក្នុងមន្ទីរទេព្យហើយ ឈ្លាតលក់គ្រឿងញៀនទៀត

ខេត្តកំពត៖ តាមការសើបអង្កេតយកចិត្តយ៉ាងច្បាស់លាស់កម្លាំងសមត្ថកិច្ចជំនាញនិងកម្លាំងកងអន្តរាគមន៍ពិសេសដែលទទួលបទបញ្ជាផ្ទាល់ពីលោកឧត្តមសេនីយ៍ទោ (ម៉ៅ ច័ន្ទមធុរិទ្ធ) ស្នងការនគរបាលខេត្តកំពត ក្នុងនោះដែរកម្លាំងរបស់លោកបានចុះបង្ក្រាបមុខសញ្ញាជួញដូរគ្រឿងញៀននៅក្នុងមន្ទើរពេទ្យបង្អែកខេត្តកំពត ដែរស្ថិតក្នុងភូមិកំពង់បាយខាងត្បូង សង្កាត់កំពង់បាយ ក្រុងកំពត ខេត្តកំពត។

កាលពីវេលាម៉ោង៥និង៣០នាទីថ្ងៃទី២៥ ខែមេសា ឆ្នាំ២០១៧ បើតាមមន្ត្រីជំនាញនៃស្នងការដ្ឋាននគរបាលខេត្ត បានអោយដឹងនៅព័ត៌មានបឋមថា ស្ត្រីជាប់ចោទនោះមានឈ្មោះ (ធី កញ្ញា )ភេទស្រី អាយុ៣១ឆ្នាំ មានទីលំនៅភូមិក្រោលគោ ខេត្តស្វាយរៀង បច្ចុប្បន្នទើបសម្រាលកូនបាន០៦ថ្ងៃគត់ ប៉ុន្តែនាងឆ្លៀតរកប្រាក់បន្ថែម គឺលក់គ្រឿងញៀននៅក្នុងពេទ្យបង្អែកខេត្ត។សមត្ថកិច្ចបានបន្តទៀតថា ពាក់ព័ន្ធបញ្ហានេះ លោកមិនទាន់ដឹងយ៉ាងនៅឡើយ ពីព្រោះសាច់រឿងទាំងនេះ គឺស្ថិតលើព្រះរាជអាជ្ញាគាត់ជាអ្នកសម្រេច ខណៈពេលនេះស្ត្រីរូបនេះកំពុងឃាត់ខ្លួននៅមន្ទីរទេព្យនៅឡើយ៕