លោកឧត្តមសេនីយ ម៉ាកម៉ាស្ទើរ ទីប្រឹក្សាយោធាមួយរូប បានបញ្ជាក់ថាអគ្គមេបញ្ជាការរបស់លោកបានចេញបញ្ជាឲ្យវាយប្រហារកូរ៉េខាងជើង នៅពេលនាវាផ្ទុកយន្តហោះចម្បាំង USS Carl Vinson កំពុងធ្វើដំណើរឆ្ពោះទៅកាន់ឧបទ្វីបកូរ៉េ។ វាត្រូវបានគេជឿថាក្នុងចំណោមជម្រើសទាំងនេះ ត្រូវបានរួមបញ្ចូលការវាយលុកចូលរបស់កងទ័ពពិសេស និងការវាយប្រហារមីស៊ីលមិនប្រាប់ឲ្យដឹងជាមុន។
បញ្ហាមួយប្រឈមប្រតិបត្តិការដឹកនាំដោយអាមេរិកវាយប្រហារលោក គឹម ជុងអ៊ុន មេដឹកនាំកូរ៉េខាងជើង គឺប្រព័ន្ធបណ្តាញផ្លូវរូងក្រោមដីស្មុគស្មាញនៅក្រោមទីក្រុងព្យូងយ៉ាង។ ក្រុមអ្នករៀបផែនការធ្វើសង្គ្រាម មានការលំបាករៀបចំផែនការតំបន់ក្រោយដី ហើយជឿថាមានទីតាំងយន្តហោះប្រយុទ្ធ និងកាំភ្លើងធំរាប់រយកន្លែង។
លោក ម៉ាកម៉ាស្ទើរ បានពិពណ៌នាការសម្រេចចិត្តដាក់ពង្រាយនាវាផ្ទុកយន្តហ៉ចម្បាំង USS Carl Vinson ជាថ្មីនៅសមុទ្រជប៉ុន នៅចំពេលមានការប្រុងប្រយ័ត្នចំពោះគំរូនៃទង្វើបង្កសង្គ្រាមរបស់កូរ៉េខាងជើង។
លោក ម៉ាកម៉ាស្ទើរ បានបញ្ជាក់ថា«លោកប្រធានធិបតីមុន និងលោកប្រធានាធិបតី ត្រាំ បានយល់ព្រមថាទង្វើរបស់កូរ៉េខាងជើងមិនអាចទទួលយកបានទេ ដែលអ្វីៗត្រូវតែកើតឡើង គឺឧបទ្វីបកូរ៉េខាងគ្មានអាវុធនុយក្លេអ៊ែរ។ លោកប្រធានាធិបតីត្រាំ សុំឲ្យយើងត្រៀមផ្តល់ជម្រើសយ៉ាងពេលលេញសម្រាប់លុបបំបាត់ការគម្រាមកំហែងនោះ។»
ដំណឹងនេះកើតឡើង បន្ទាប់ពីលោកត្រាំបានបាញ់មីស៊ីលប្រឆាំងលោក អាសាដ នៅស៊ីរីកាលពីសប្តាហ៍មុន។ ជាលើកទីមួយ អាមេរិកបានវាយប្រហារដោយផ្ទាល់លើរបបស៊ីរីក្នុងអំឡុងសង្គ្រាម។
កូរ៉េខាងជើងបានប្រកាសប្រឆាំងនឹងការវាយប្រហារមីស៊ីលរបស់លោកត្រាំ ដោយចោទថាជាទង្វើនៃការឈ្លានពានមិនអាចអត់ឳនឲ្យបាន។
