អង្គការឃ្លាំមើលសិទ្ធិមនុស្ស ស៊ីរី បានឱ្យដឹងថា ក្រោយការវាយប្រហារដោយអាវុធគីមីសម្លាប់មនុស្សជាច្រើននាក់ នៅទីតាំងរបស់ពួកសកម្មយុទ្ធរដ្ឋឥស្លាម ក្នុងខេត្ត អ៊ីតលីប ភាគខាងកើត នៃប្រទេស ស៊ីរី ក្រុម ISIS បានធ្វើការសងសឹកវិញ ដោយប្រហារជីវិតមនុស្សចំនួន ៣៣យ៉ាងសាហាវឃោរឃៅបំផុត នៅលើវាលខ្សាច់ al-Mayadin ជិតទីក្រុង Deir Ezzor។
គួរបញ្ជាក់ផងដែរថា សាកសពទាំង ៣៣នាក់ខាងលើនេះ ពុំបានបញ្ជាក់ថា ជាទ័ពរបស់រដ្ឋាភិបាល ស៊ីរី ឬជនស៊ីវិលនោះឡើយ។ លើសពីនេះទៀតដំណាលគ្នានឹងការប្រហារជីវិតមនុស្សទ្រុងទ្រាយធំខាងលើរដ្ឋាភិបាល អ៊ីរ៉ាក់ បានរាយការណ៍ថា ISIS បានសម្លាប់ជនជាតិរបស់ខ្លួនប្រមាណជា ២២នាក់ផ្សេងទៀតនៅទីក្រុង Tikrit ៕
